Ritstjórn SPORTTV ritstjorn@sporttv.is

Vegferð Martins byrjaði í fyrra

Körfuknattleiksmaðurinn Martin Hermannsson hefur farið á kostum með liði sínu í bandaríska háskólaboltanum í vetur.

Martin leikur með LIU háskólanum í Brooklyn og hefur skorað um 15 stig að meðaltali í vetur en bakvörðurinn snjalli er nú á öðru ári sínu með liðinu.

Í fyrra lék Martin með Elvari Má Friðrikssyni í Brooklyn en Elvar söðlaði um fyrir þetta tímabil og gekk til liðs við Barry University í Florida.

Martin var hins vegar kyrr hjá LIU og er að leika eins og engill.

Í þessu myndbandi frá LIU-háskólanum, má sjá 10 bestu tilþrif liðsins á síðasta tímabili og þar eru Martin og Elvar í stórum hlutverkum.